Kıbrıs Sancağı Meclis-i İdaresinden tevârüd eden mazbatada cezîre-i mezkûrede yirmi karyeye yü zer guruş maaşla birer sıbyan hocası ta‘yîni hakkında şâyân buyrulan müsaadeden bahisle bu kere dahi mel fuf defterde muharrer karyelere doksan senesi Martından itibaren intihâb ve ta‘yîn olunan muallimlerin tasdik-i asaletleri inhâ olunmuşdur. Bundan mukaddem vârid olan inhâlar üzerine kurâ-yı mezkûreden yedisine muallim ta‘yîn olunmuş ve işbu defterde muharrer on aded karye içün dahi ber-vech-i inhâ tarih-i mezkûrdan itibaren sene-i merkûme Maarif bütçesinin beşinci faslının üçüncü maddesinden şehrî yüzer guruş maaş tahsisiyle defter-i mezkûrda isimleri beyân olunan muallimlerin tasdik-i memuriyetleri tezek kür ve tensîb kılınmağla zikrolunan maaşlar irâdesinin istihsâli husûsunun Bâbâlîye arz ve iş‘âr ve mezkûr defterin dahi ba‘s ve tesyâr buyrulması bâbında emr u ferman. Fi 23 Safer sene [1]291 ve fî 27 Mart sene [1]290 Kurâ-yı cesîmeden olup bu kere muallim-i sıbyâna ta‘yîni tensîb görünen kurâ ile muallimlerinin isim ve şöhretlerini mübeyyin defterdir Hacı Ali Efendi Değirmenlik Kazası, Dizdar karyesi Ahmed Efendi Leymasun Kazası, Odima karyesi Hacı Mustafa Efendi Magosa Kazası, Kondera Karyesi Hacı Ali Efendi Magosa Kazası, Paşa Karyesi Hacı Mustafa Efendi Girinye Kazası, Ağırda Karyesi Hacı Veli Efendi Baf Kazası, Malatya Karyesi Ahmed Efendi Tuzla Kazası, Küfünye Karyesi Ahmed Efendi Magosa Kazası, İpsilat Karyesi Hacı Ahmed Efendi Tuzla Kazası, Pirka Karyesi Hafız Mustafa Efendi Yafa Kazası, Tirmentusa Karyesi